കെ.പി.സി.സി. അധ്യക്ഷ സ്ഥാനത്തുനിന്ന് നീക്കിയ നടപടിയിൽ അതിയായ ദുഃഖമുണ്ടെന്ന് കെ. സുധാകരൻ
കണ്ണൂർ: കെ.പി.സി.സി. അധ്യക്ഷ സ്ഥാനത്തുനിന്ന് നീക്കിയ നടപടിയിൽ അതിയായ ദുഃഖമുണ്ടെന്ന് മുതിർന്ന കോൺഗ്രസ് നേതാവ് കെ. സുധാകരൻ. യാതൊരു ന്യായവുമില്ലാതെയാണ് തന്നെ പദവിയിൽനിന്ന് മാറ്റിയതെന്ന് അദ്ദേഹം വ്യക്തമാക്കി. ഫെയ്‌സ്ബുക്കിൽ പങ്കുവെച്ച വീഡിയോയിലൂടെയായിരുന്നു സുധാകരന്റെ ഈ തുറന്നുപറച്ചിൽ. എന്നാൽ, സംഭവം വിവാദമായതോടെ വീഡിയോ പിന്നീട് ഫെയ്‌സ്ബുക്കിൽനിന്ന് നീക്കം ചെയ്തു.
സർക്കാരിന്റെ വീഴ്ചകൾ ചൂണ്ടിക്കാണിക്കാൻ പ്രതിപക്ഷത്തിനൊപ്പം ഭരണപക്ഷത്തിനും അർഹതയുണ്ടെന്ന് അദ്ദേഹം വീഡിയോയിൽ അഭിപ്രായപ്പെട്ടു. തകർന്ന് തരിപ്പണമായി നിന്ന കോൺഗ്രസ് പ്രസ്ഥാനത്തെ കെ.പി.സി.സി. പ്രസിഡന്റായ ശേഷം താൻ കരകയറ്റാൻ ശ്രമിക്കുകയായിരുന്നു. പാർട്ടിക്ക് വേണ്ടി രക്തം ചീന്തിയവരുടെയും പ്രതിസന്ധി ഘട്ടങ്ങളിൽ ഒപ്പം നിന്നവരുടെയും ത്യാഗത്തെ വിലകുറച്ചു കാണുന്ന ഇത്തരം നടപടികൾ പ്രസ്ഥാനത്തിന് ഒരിക്കലും ഗുണം ചെയ്യില്ലെന്നും കെ. സുധാകരൻ കൂട്ടിച്ചേർത്തു.
