കൊക്കെയ്ൻ കേസ്; നടന് ഷൈന് ടോം ചാക്കോ കുറ്റവിമുക്തൻ, പ്രതികളെ വെറുതെ വിട്ട് കോടതി
കൊക്കെയ്ൻ കേസിൽ നടന് ഷൈന് ടോം ചാക്കോ കുറ്റവിമുക്തൻ. നടൻ ഉൾപ്പെടെ കേസിലെ എല്ലാ പ്രതികളേയും എറണാകുളം സെഷൻസ് കോടതി വെറുതെവിട്ടു.
എട്ട് പ്രതികളായിരുന്നു കേസിലുണ്ടായിരുന്നത്. ഇവരിൽ ഒരാൾ ഒഴികെ എല്ലാവരും വിചാരണ നേരിട്ടിരുന്നു. തുടർന്ന്, മുഴുവൻ പ്രതികളേയും കോടതി കുറ്റവിമുക്തരാക്കി. ഷൈൻ ടോം ചാക്കോയ്ക്കുവേണ്ടി അഭിഭാഷകൻ രാമൻ പിള്ള കോടതിയിൽ ഹാജരായി.
കൊച്ചി കടവന്ത്രയിലെ ഫ്ളാറ്റില് നടത്തിയ റെയ്ഡിലാണ് നടന് ഷൈന് ടോം ചാക്കോയും മോഡലുകളും പിടിയിലാവുന്നത്. 2015 ജനുവരി 30-നായിരുന്നു സംഭവം.
