ആലപ്പുഴ കളര്കോട് കാറും കെഎസ്ആര്ടിസി ബസും കൂട്ടിയിടിച്ച് അപകടം; അഞ്ച് മെഡിക്കല് വിദ്യാര്ത്ഥികള്ക്ക് ദാരുണാന്ത്യം, 2 പേര്ക്ക് പരിക്ക്
ആലപ്പുഴ: കളര്കോട് കാറും കെഎസ്ആര്ടിസി ബസും കൂട്ടിയിടിച്ച് അപകടം. അഞ്ച് പേര് മരിച്ചു. അപകടത്തില് രണ്ട് പേര്ക്ക് പരിക്കേറ്റു. പരിക്കേറ്റവരെ വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇരുവരുടെയും നില ഗുരുതരമാണെന്നാണ് വിവരം. കെഎസ്ആര്ടിസി സൂപ്പര് ഫാസ്റ്റിലേക്ക് കാര് വന്ന് ഇടിക്കുകയായിരുന്നു.
വണ്ടാനം മെഡിക്കല് കോളേജിലെ 10 വിദ്യാര്ത്ഥികള് സഞ്ചരിച്ച കാറാണ് അപകടത്തില്പ്പെട്ടത്. കാര് വെട്ടിപ്പൊളിച്ചാണ് യുവാക്കളെ പുറത്ത് എടുത്തത്. അപകടത്തില് കാര് പൂര്ണമായും തകര്ന്നു. ഒന്നാം വര്ഷ എംബിബിഎസ് വിദ്യാര്ത്ഥികളായ ശ്രീദീപ് (പാലക്കാട്) മുഹമ്മദ് ഇബ്രാഹിം (ലക്ഷദ്വീപ്) ,ദേവാനന്ദ്, മുഹമ്മദ് ജബ്ബാര് (കണ്ണൂര്) ആയുഷ് ഷാജി (ആലപ്പുഴ) എന്നിവരാണ് മരിച്ചത്.
അപകടത്തില് ബസില് ഉണ്ടായിരുന്ന നാല് പേര്ക്കും പരിക്കേറ്റിയിട്ടുണ്ട്. ഇവരുടെ പരിക്ക് സാരമുള്ളതല്ലെന്നാണ് വിവരം. കനത്ത മഴയില് കാഴ്ച മങ്ങിയതാകാം അപകട കാരണമെന്ന് സംശയിക്കുന്നതായി മോട്ടര് വാഹന വകുപ്പ് ഉദ്യോഗസ്ഥര് പറഞ്ഞു. കൂടുതല് പരിശോധന നടക്കുകയാണെന്നും ഉദ്യോഗസ്ഥര് പ്രതികരിച്ചു.
