സാങ്കേതിക തകരാർ; വന്ദേഭാരത് പിടിച്ചിട്ടു
സാങ്കേതിക പ്രശ്നങ്ങളെ തുടർന്ന കാസർകോട് നിന്നും തിരുവനന്തപുരത്തേക്കുള്ള വന്ദേഭാരത് ട്രെയിൻ പിടിച്ചിട്ടു. ഷൊർണൂർ പാലത്തിന് സമീപമാണ് ട്രെയിൻ പിടിച്ചിട്ടിരിക്കുന്നത്.
സാങ്കേതിക പ്രശ്നമാണെന്ന് റെയിൽവേ അറിയിച്ചു. ട്രെയിനിന്റെ വാതില് തുറക്കാൻ കഴിയുന്നില്ല. കൂടാതെ എസിയും പ്രവര്ത്തിക്കുന്നില്ല.
ഒന്നേകാല് മണിക്കൂറിലേറെയായിട്ടും സാങ്കേതിക പ്രശ്നങ്ങൾ പരിഹരിക്കാൻ കഴിഞ്ഞിട്ടില്ല. ട്രെയിന് തിരികെ ഷൊര്ണൂര് സ്റ്റേഷനില് എത്തിക്കാനാണ് ഇപ്പോൾ ശ്രമിക്കുന്നത്.
16 കോച്ചുകളിലും ഓരോ ബ്രേക്ക് ഉണ്ട്. ഇവ റിലീസ് ചെയ്ത ശേഷം ലോക്ക് ഉപയോഗിച്ച് ഷൊർണൂർ സ്റ്റേഷനിൽ എത്തിക്കും.
സ്റ്റേഷനിൽ ട്രെയിൻ എത്തിച്ച ശേഷം പുതിയ എഞ്ചിൻ ഘടിപ്പിക്കുമെന്ന് അധികൃതര് അറിയിച്ചു. യാത്രക്കാര്ക്ക് മറ്റൊരു യാത്ര സൗകര്യം ഒരുക്കുമെന്നും അധികൃതര് അറിയിക്കുന്നു.
